បើនិយាយដល់ក្រុមហ៊ុន Kia យើងប្រាកដជានឹកដល់កូនឡាន Morning ជំនាន់ទី១ តែមិនថាជាជំនាន់ទី១ ឬទី២នោះទេ ឃើញបើកតែពេញផ្លូវស្រុកខ្មែរដែរហ្នឹង។ ព្រោះតែស៊ីសាំងតិច ខ្លីតូចល្មមស្រួលចេញចូលបើកបរក្នុង ក្រុង សមស្របសម្រាប់បងប្អូននារីៗ សិស្សសាលា ដែលមិនសូវជំនាញខាងបើកក្នុងក្រុង ឬរយ៉ែរថយក្រោយជាដើម កូនឡាន KIA មួយនេះអាចជាជម្រើសមួយសម្រាប់ពិចារណាបាន។
ថ្ងៃនេះ Advan Auto និងលើកយក KIA Morning ជំនាន់ទី២ ដែលគេហៅថា KIA Picanto ផលិត ក្នុងឆ្នាំ២០១២ ដល់ ២០១៧ មកធ្វើបទបង្ហាញជូន ។ វាបានធ្វើការផ្លាស់ប្ដូរទាំងស្រុងនៅផ្នែកខាងក្នុង និងរូបរាងខាងក្រៅ មើលទៅស្អាតប្លែកទាក់ទាញជាងជំនាន់ទី១។
ហើយតម្លៃក៏រាងគួរសមដែរចន្លោះពី ១០០០០ដុល្លារ ទៅ១៥០០០ដុល្លារជាង តាម Option ឆ្នាំ ពណ៍ ភិនភាគជាក់ស្ដែង។
មាឌតូចល្មម ម៉ាស៊ីនក៏មិនធំប៉ុន្មានដែរ ៣ស៊ីឡាំង ចំណុះ១.០ ផលិតកម្លាំង៦៧សេះ កម្លាំងរមួល៨៨ផោនហ្វីត រត់ដោយប្រអប់លេខ៤វគ្គអូតូ បង្វិកកង់ដោយប៉ុងមុខ (FWD)។ បំពាក់យ៉ាន់កង់១៥អ៊ីញ ហ្វ្រាំងឌីសគៀបមុខក្រោយ ជំនួយដោយប្រព័ន្ធ ABS និងអាចរត់លឿនបំផុតបាន ១៦៣គីឡូម៉ែត្រ/ម៉ោង។
កុំឃើញតូចចឹងតែស៊ីសាំងគួរសមដែរ ចន្លោះពី ៥លីត្រ ទៅ៧លីត្រក្នុង១០០គីឡូម៉ែត្រ។
ខាងក្រៅឌីហ្សាញបែបស្ព័រ ដូច្នេះមើលទៅឃើញមុខវាស្រួច ខាងមុខឃើញមានកាងសំណាញ់ប៉ាណាបែបស្ព័រ ជាមួយនិងចង្កៀង គុជ LED និង Daytime running light។ ចំពោះស្ដុបក្រោយប្រភេទ LED រាងជាងអក្សរ C អមជាមួយស៊ីឡាំងពីរដើម មើលទៅទាក់ទាញ។
ចូលមកខាងក្នុង រាងទូលាយគួរសមដែរ បំពាក់ដោយកៅអីស្បែក ២ជួរ ជិះគ្នា៥នាន់អីមិនជាបញ្ហាឡើយ និងសល់ឃ្លុបក្រោយខ្លីល្មមដាក់ឥវ៉ាន់បានគួរសម។
ចំពោះ Option ជាទូទៅបែកចែកចេញជាបីជម្រើសដូចជា៖ Base Option, Half Full, និង Full Option។
Base Option វាជាប្រភេទធម្មតា ប្រើចង្កៀង Halogen ជាមួយនឹង LED, កៅអីក្រណាត់ ពោងសុវត្ថិភាព ២ គ្រាប់ ហ្រ្វាំងគៀបតែផ្នែកខាងមុខ និងប្រើសោរដើម្បីបញ្ឆេះរថយន្ដជាដើម។
Half Option រាងគ្រាន់បន្ដិចដោយខ្លះ បន្ថែមមកជាមួយប៉ូតុង Power Start ដំបូលបើក ពោងសុវត្ថិភាព ៦គ្រាប់ ខ្លះទៀតក៏មានចង្កៀងគុជ កៅអីស្បែក និងហ្រាំងឌីសគៀបមុខក្រោយជាដើម។
ប្រភេទ Full Option វិញរាងទំនើបគ្រាន់បើ ដោយភ្ជាប់មកជាមួយនិង អេក្រង់ LCD ៨អីញ ពោងសុវត្ថិភាព ៧គ្រាប់ កុងទ័រឌីជីថល ដំបូលបើក GPS, ប្រើប៉ូតុង Power Start/Stop កាម៉េរាក្រោយ មាន Sensor ៤គ្រាប់ ជំនួយពេលចូលចត ចង្កៀងគុជ អមជាមួយប៉ាណាស្ពរ័ជាប់ជាមួយពិលកាង និងឈ្នាន់ហ្គែរវែង ជាដើម។
KIA Picanto នេះ មិនជាចំណាយច្រើនលើកការថែទាំឡើយ ហើយសម្បូគ្រឿងបន្លាស់ណាស់នៅស្រុកខ្មែរយើង ឈឺថ្នាត់ល្មមៗចំណាយខ្ទង់ ៣០ ដុល្លារ ទៅ២០០ ដុល្លារជាងប៉ុណ្ណោះ សម្រាប់ការជួសជុល។
ជារួមបើអ្នកស្រលាញ់ប្រភេទកូនឡាន មិនជាបញ្ហាឡើយ រូបរាងមើលចូលភ្នែក ខាងក្នុងស្អាតគ្រាន់បើ សន្សំសំចៃគួរសម។ សម្រាប់ប្រើក្នុងក្រុង អ្នកធ្វើការ សិស្សសាលា សុភាពនារីជាដើម ស័ក្តិសមប្រើប្រាស់វាបាន ណាមួយឆ្នាំរាងខ្ពស់ដែរ តម្លៃប៉ុណ្ណឹងគិតថាអាចចរចារបាន។
តែអ្វីដែលត្រូវប្រយ័ត្នមុនទិញឡានមកពីកូរ៉េ គឺបញ្ហាពុក ឬច្រេះ ព្រោះជាប្រទេសត្រជាក់ធ្លាក់ទឹកកក់ ចង់ប្រើត្រូវច្បាស់ចំណុចនេះ។
អត្ថបទ៖ BunSak
Camry 2014 អតីតឡានខ្លាញ់គោស្រុកខ្មែរ ចាយរាងគ្រាន់បើសំខាន់តម្លៃហាក់ធូរគួរសមខ្ទង់ 2ម៉ឺនដុល្លារបន្ដិចប៉ុណ្ណោះ
នោះ! Toyota Veloz 2025 ឡាន 7កៅអីមានប្រភេទមួយទឹកស្លាកលេខហើយ តម្លៃធូរជាងខ្លាញ់គោច្រើនគួរសម
មកដឹងចំណុចពិសេស RX300 Coach Edition ដែល Lexus ផលិតក្នុងឆ្នាំ 2002 តែមួយគត់ ខុសប្លែកដាច់ពី RX300 ធម្មតា
Mazda BT50 ឆ្នាំ 2012-2014 គុណភាពនៅតែអេម ទោះបីវ័យរាងជ្រេបន្ដិចក្ដី ខណៈតម្លៃវិញក៏នឹងគួរសមដែរ
Camry 2014 អតីតឡានខ្លាញ់គោស្រុកខ្មែរ ចាយរាងគ្រាន់បើសំខាន់តម្លៃហាក់ធូរគួរសមខ្ទង់ 2ម៉ឺនដុល្លារបន្ដិចប៉ុណ្ណោះ
នោះ! Toyota Veloz 2025 ឡាន 7កៅអីមានប្រភេទមួយទឹកស្លាកលេខហើយ តម្លៃធូរជាងខ្លាញ់គោច្រើនគួរសម
មកដឹងចំណុចពិសេស RX300 Coach Edition ដែល Lexus ផលិតក្នុងឆ្នាំ 2002 តែមួយគត់ ខុសប្លែកដាច់ពី RX300 ធម្មតា
Mazda BT50 ឆ្នាំ 2012-2014 គុណភាពនៅតែអេម ទោះបីវ័យរាងជ្រេបន្ដិចក្ដី ខណៈតម្លៃវិញក៏នឹងគួរសមដែរ