ក្នុងទសវត្សឆ្នាំ៩០ជាង ស្រុកខ្មែរបើនិយាយពីឡានដែលជាលំដាប់ជួរមុខ ក្រៅតែពីរ Toyota និង Lexus គឺ Pajero នេះហើយ។ ក្រុមហ៊ុន Mitshubishi បានបញ្ចេញ SUV ខ្នាតធំរបស់ខ្លួនម៉ូឌែល Pajero ជំនាន់ទីមួយនៅឆ្នាំ១៩៨៣ និងជំនាន់ទី២ នៅឆ្នាំ១៩៩២ ដល់ ២០០០។ ជំនាន់ទី២នេះហើយ ដែលពេញនិយមខ្លាំង មិនថានៅអាសុី ឬអ៊ឺរ៉ុប់ទេ សូម្បីតែកម្ពុជាក៏សម្បូរនាក់ប្រើដែរក្នុងជំនាន់នោះ។
តែក្នុងមួយរយៈចុងក្រោយនេះ ហាក់ដូចជាស្ងប់ស្ងាត់ទៅវិញ ភាគច្រើនឃើញបងប្អូនដែលនិយម Off-Raod តែងតែមានវា ព្រោះស៊ីម៉ាស៊ូតតិចគួរសម ហើយកម្លាំងក៏គ្រាន់បើដែរ។ ស្រុកខ្មែរសម្បូរស៊េរីឆ្នាំ ៩៣ ដល់៩៥ បើនិយាយពីតម្លៃវិញបច្ចុប្បន្នសល់ខ្ទង់ ៣០០០ដុល្លារជាង ទៅ៥០០០ដុល្លារ អាស្រ័យលើប្រភេទម៉ាស៊ីន និងភិនភាគជាក់ស្ដែងជាដើម។
ប្រើម៉ាស៊ីនម៉ាស៊ូត ៤ស៊ីឡាំង ចំណុះ ២.៥លីត្រ បំពាក់ Turbo ជំនួយដោយ Intercooler ផលិតកម្លាំង ៩៨សេះ កម្លាំង ១៧៧ផោនហ្វីត ខ្មែរហៅថាម៉ាស៊ីនតូច។
ចំពោះម៉ាស៊ីនធំ ៤ស៊ីឡាំង មុខកាត់ ២.៨លីត្រ បំពាក់ Turbo ជំនួយដោយ Intercooler ដូចគ្នា តែផលិតកម្លាំងបាន ១២៥សេះ កម្លាំងរមួល ២១៦ផោនហ្វីត។
ម៉ាស៊ីនទាំងពីរជម្រើសនឹង រត់ដោយប្រអប់លេខ ៥វគ្គលេខដៃ និង៤វគ្គអូតូ បង្វិលកង់ដោយប៉ុងមួយ (2WD) និងប្រភេទប៉ុងពីរ (4WD) ស្រុកខ្មែរភាគច្រើនប្រើតែម៉ាស៊ីនពីរប្រភេទនេះទេ។
កម្រិតស៊ីប្រេងជាមធ្យមចន្លោះពី ១០លីត្រ ទៅ ១៣លីត្រ ក្នុង១០០គីឡូម៉ែត្រ ឬអាចលើសនេះ ព្រោះម៉ាស៊ីនចាស់ហើយ។
ជើងក្រោមប្រើប្រព័ន្ធ ឯករាជ Independent Suspension និងស្លាបប្រចៀវឌុប Double Wishbone នៅផ្នែកខាងមុខ និងខាងក្រោយជា 3 link coil spring អញ្ចឹងធ្វើឲ្យការទប់លំនឹងលើផ្លូវកោងល្អ ហើយការបើក Off-road ក៏បត់បែនបានល្អដែរ គ្រាន់តែនៅមានសភាពរលាក់ខ្លះ ព្រោះ 3 Link suspension មិនទាន់រលាស់ល្អដូចពពួក 5 Link suspension នាពេលបច្ចុប្បន្ននេះទេ ។
វាបំពាក់យាន់កង់ ១៥អីញ ប្រើហ្វ្រាំងឌីសគៀបទាំងមុខក្រោយជំនួយដោយប្រព័ន្ធ ABS។ សម្រាប់ប្រភេទរត់ដោយប៉ុងពីរ មានបន្ថែមជាមួយលេខដៃ ជំនួយដោយកាប់ពីតាស់ និងមានមុខងារ Locking Differentail ជាដើម។
វាមានទម្ងន់ធ្ងន់គួរសម ១៩០០គីឡូក្រាម ជិត ២តោនដែរ និងកម្ពស់ ពីដីមកបាតខ្ពស់ល្មម ២០៥ម.ម ធ្វើអោយការបើកបរ មានភាពណឹងល្អ ផ្លូវលំបាកល្មមៗមិនជាបញ្ហាឡើយ។
ខាងក្នុងទូលាយគ្រាន់បើ មាន Option ខ្លះបំពាក់ជាមួយកៅអីស្បែក អេឡិចត្រូនិក និងខ្លះមានកៅអី ៥ និង៧ បន្ថែមរន្ធម៉ាស៊ីនត្រជាក់ ពីលើចំនួនបួន មិនឱ្យត្រជាក់ចាញ់ថ្ងៃឡើយ។
ដំបូលបើកនៅចំកណ្ដាល ចំណែកតាបឡូខាងមុខមានបំពាក់ជាមួយនិង ប្រព័ន្ធវាស់កម្រិតស៊ីតណ្ហភាព និងត្រីវិស័យជាដើម។
ស៊េរីចាស់តែកម្លាំងមិនទាន់ទៅណាទេ បើធៀបជាមួយ Lexus និង Land Cruiser ឆ្នាំប្រហែលគ្នា Pajero រាងក្រោមគេបន្ដិចហើយ។ កម្លាំងក៏ស្ទើរ រូបរាងមើលទៅក៏មិនមាំទាំដូចគេ អញ្ចឹងហើយតម្លៃទីផ្សារក៏ក្រោមគេដែរ តែសមត្ថភាពក្នុងការបើកបរ មិនជាចាញ់គ្នាប៉ុន្មានទេ។ វានៅតែអេមសម្រាប់ការធ្វើដំណើរក្នុងចម្ការ ផ្លូវពិបាកអី រូបរាង Pajero សមណាស់ តែបើខូចវិញ ក៏មិនធូរប៉ុន្មានដែរ ម៉្យាងទៀតគ្រឿងក៏មិនសូវសម្បូរដែរ៕
អត្ថបទ៖ BunSak
Toyota បំបែកកំណត់ត្រាពិភពលោក អត់ចាក់សាំង អត់ប្រើអគ្គីសនី តែជិះបាន 1360 km ផុយ
ឡាន ៣ នេះជាគូប្រជែងធំរបស់ Toyota Prius តែនៅខ្មែរកម្រមានអ្នកប្រើ ទាំងកម្លាំង កម្រិតសុីសាំង គឺល្អដូចគ្នា
ទិញទំនិញកុំបោះចោលវិក័យបត្រ! ថតផ្ញើឲ្យអគ្គនាយកដ្ឋានពន្ធដារ ក្រែងមានសំណាងបានឡានថ្មីជិះលេង
TOYOTA RAIZE 2022 តម្លៃត្រឹមជាង ២ម៉ឺនដុល្លារ បានសម្ពោធជាផ្លូវការស្វាគមន៍ បិណ្ឌទី1
Corolla 03 Specs អាមេរិក នៅតែជាឡានមួយដែល ធន់សន្សំសំចៃ ស្រួលប្រើ ពិសេសតម្លៃទីផ្សារនៅនឹងល្អណាស់
គិតមិចដែរ? Suzuki Celerio ថ្មីខ្លាញ់គោតម្លៃតែ ១៣,០០០ដុល្លារជាង ធូរថ្លៃមិនធ្លាប់ជួបក្នុងចំណោមឡានថ្មីគាស់កេស
តស់! មកមើល Option Deluxe Solar របស់ Toyota Prius 2012-2015 បន្ដិចថាខុសប្លែកពី Option Solar ធម្មតាអ្វីខ្លះ?
Lexus RC200t ប្រើម៉ាស៊ីនដូច NX200t ជាប្រភេទឡានស្ព័រទ្វា 2 រូបរាងទាក់ទាញ កម្លាំងខ្លាំងគួរសម តម្លៃក៏ល្អដែរ