👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

បន្ទាប់ពីដាក់បោះលក់បន្ដតាមឈ្មួញកណ្ដាលជាយូរមក ពេលនេះស្រាប់តែលេចឮដំណឹងថា ក្រុមហ៊ុន Tesla បានសម្រេចដាក់ទីតាំង Showroom បើកលក់ដោយខ្លួនឯងផ្ទាល់នៅប្រទេសថៃ ជាមួយនឹងតម្លៃលក់ចេញទាបជាង តម្លៃនាំចូលដោយឈ្មួញលក់បន្ដដល់ទៅ ៥០% នេះយោងតាមការរាយការណ៍ពីគេហទំព័រព័ត៌មានមួយរបស់ប្រទេសថៃ The Standard ។ 

យោងតាមការឲ្យដឹងពី នាយកដ្ឋានអភិវឌ្ឍអាជីវកម្មថៃបានឲ្យដឹងថា ក្រុមហ៊ុន Tesla (thailand) Co,, Ltd បានចុះឈ្មោះក្នុងបញ្ជីវិនិយោគដាក់លក់រថយន្ដអគ្គិសនីផ្ទាល់ក្នុងប្រទេសថៃ កាលពីថ្ងែទី ២៥ ខែមេសា ឆ្នាំ ២០២២ ថ្មីៗនេះ ភ្ជាប់មកជាមួយនឹងការដាក់ប្រព័ន្ធផ្ទុកថាមពល ឧបករណ៍ផ្ទុកថាមពល និងប្រព័ន្ធបង្កើតថាមពលផ្ទាល់ ។​ 

នេះគឺជាដំណឹងល្អមួយសម្រាប់ Tesla នៅក្នុងប្រទេសថៃ ដោយសារតែកាលពីមុន តាមការឲ្យដឹងពី The Standard, រថយន្ដអគ្គិសនី Tesla ដែលលក់ចេញពីឈ្មួញនាំចូលសរុបទាំងថ្លៃពន្ធ ថ្លៃសេវាផ្សេងៗ មួយគ្រឿងមានតម្លៃដល់ទៅជាង ៣លានបាត ឬ ៨៧,៦៨៨ ដុល្លារ ធៀបទៅនឹងទីផ្សារអាមេរិកដែលលក់ត្រឹមតែ ២៩ ២២៩ ដុល្លារ ដូច្នេះហើយការនាំចូលរថយន្ដ Tesla មកលក់ក្នុងទីផ្សារថៃដោយផ្ទាល់អាចកាត់បន្ថយតម្លៃលក់បច្ចុប្បន្នដល់ទៅពាក់កណ្ដាល ដែលសមស្របនឹងការប្រកួតប្រជែង ជាមួយរថយន្ដអគ្គិសនីដទៃទៀតរបស់ចិន និងជប៉ុន។

ជាក់ស្ដែងបន្ទាប់ពីការដាក់យុទ្ធសាស្រ្ដថ្មីរបស់ រាជរដ្ឋាភិបាលថៃ (កាត់បន្ថយពន្ធ និងឧបត្ថម្ភថវិកា ៣ពាន់លានបាត សម្រាប់ការទិញរថយន្ដអគ្គិសនី) ដើម្បីបង្កើនការប្រើប្រាស់ឡានអគ្គិសនី ក្រៅតែពីក្រុមហ៊ុន Tesla មានក្រុមហ៊ុនឡានអគ្គិសនី ផ្សេងទៀត បានចាប់វិនិយោគទុនលក់ក្នុងប្រទេសថៃដូចជា Great Wall Motor, MG បានចុះកិច្ចព្រមព្រៀង នាំចូលរថយន្ដអគ្គិសនីមកលក់ចំនួន ២០០០ គ្រឿង ហើយក្រុមហ៊ុនដទៃទៀតដូចជា Mercedes Benz, BMW, Honda Mitsubishi, Nissan Foxconn ក៏បង្ហាញចំណាប់អារម្មណ៍គ្រោងដាក់ការវិនិយោគនៅថៃដូចគ្នា។ 

គួរបញ្ជាក់ផងដែរថា បន្ទាប់ពីការសម្រេចចុះវិនិយោគទុនដាក់សាខាលក់ឡានដោយផ្ទាល់ គេរំពឹងថា មិនយូរប៉ុន្មាននៅពេលខាងមុខ ថៃក៏នឹងអាចក្លាយជាទីតាំងមួយសម្រាប់ក្រុមហ៊ុន Tesla ជ្រើសរើសសាងសង់រោងចក្រដំឡើងរថយន្ដរបស់ខ្លួនប្រចាំតំបន់អាស៊ីអាគ្នេយ៍ផងដែរ។ 

អត្ថបទ៖ Andra  AdvanAuto 

 …………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe Youtube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto