• ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

ជាទូទៅឡានដែលប្រើនៅស្រុកខ្មែរនាពេលបច្ចុប្បន្នភាគច្រើនជាឡានមួយទឹកសេរីចាស់ៗ ដូចនេះកម្រិតស៊ីសាំងរបស់ឡានសេរីមុន ប្រាកដជាស៊ីលើសឡានសេរីថ្មីៗ តែយ៉ាងប្រសិនបើអ្នក អនុវត្តន៍គោលការណ៍ ៥ ចំណុចនេះ ធានាថាឡានអ្នកនឹងស៊ីសាំងតិចជាងមុន។

1. គោលការណ៍ ៥/២០

ជាទូទៅ នៅពេលអ្នកជាន់ហ្គែរបង្ខំ ក អែ៊រ នឹងបើកកាន់តែខ្លាំងដើម្បីឲ្យមានលម្ហូរខ្យល់ចូលទៅដុតកម្តៅ ក្នុងបន្ទប់ចំហេះច្រើនជាហេតុនាំឲ្យវាដុតចំហេះប្រេងឥន្ធនៈកាន់តែលឿន ដូចនេះ នៅពេលដែលអ្នកត្រូវការដំឡើងល្បឿន ពិសេសពេលចេញដំណើរដំបូង សូមថ្មមជើងបន្តិច។ 

អ្នកជំនាញណែនាំឲ្យអ្នកអនុវត្តន៍គោលការណ៍ ៥/២០ ដែលមានន័យថាអ្នកអាចដំឡើងល្បឿន ២០គ.ម/ម រៀងរាល់រយៈពេល ៥ វីនាទីម្តង ដូចនេះពីល្បឿន 0-100km/h អ្នកត្រូវចំណាយពេលប្រមាណ ២៥ វិនាទី នោះឡានអ្នកនឹងស៊ីសាំងតិច ។

2. គោលការណ៍ ៨០/១០០

តាមការសិក្សាបញ្ជាក់ថាការបើកបរក្នុងល្បឿន ប្រមាណជាង ៨០គ.ម/ម - ១០០គ.ម/មជាង នាំឲ្យឡានស៊ីសាំងកាន់តែខ្លាំង ដែលទាក់ទងនឹងគោលការណ៍ Aerodynamic កាលណាឡានកាន់តែលឿន វានឹងទង្គិចនឹងអង្គធាតុរាវនៅក្នុងបរិយាកាលកាន់តែខ្លាំង រាប់បញ្ចូលទាំងខ្យល់ សំណើម ធូលី ជាដើម ជាហេតុនាំឲ្យម៉ាស៊ីនឡាននិងប្រអប់លេខខំធ្វើការខ្លាំងលើសពីធម្មតាដើម្បីជ្រែកខ្យល់នៅខាងមុខឲ្យបានលឿន ។ 

ដូចនេះអ្នកជំនាញណែនាំឲ្យអ្នកបើកឡាននៅក្នុងល្បឿនតិចជាង ៨០គ.ម/ម ដើម្បីកាត់បន្ថយកម្រិតកកិត និង ជួយឲ្យឡានស៊ីសាំងតិចជាងមុន ២០%។

3. គោលការណ៍ ១/១

ការសិក្សាមួយចំនួនបញ្ជាក់ថា ការជាន់ហ្រ្វាំងបង្ខំដើម្បីឲ្យឡានឈប់លឿន ឬជាន់ហ្គែរបង្ខំដើម្បីឲ្យឡានស្ទុះលឿន ជួយកាត់បន្ថយរយៈពេលធ្វើដំណើរបាន ៤% តែវានឹងធ្វើឲ្យឡានស៊ីសាំងលើសមុនដល់ទៅ ៣៩%។  ដូចនេះចូរជាន់ហ្រ្វាំងឬហ្គែរមួយៗ ជាពិសេសបើសិនជាឡានអ្នកមានមុខងារ Cruise Control សូមប្រើ Cruise Control ដើម្បីកំណត់ល្បឿនថេរ នោះឡានអ្នកនឹងស៊ីសាំងតិចជាងមុន ។

4. គោលការណ៍ ៣០

ម្ចាស់ឡានមួយចំនួនតែងតែមានទម្លាប់បញ្ឆេះឡានចោលពេលព្រឹកដើម្បីកម្តៅម៉ាស៊ីន មានអ្នកខ្លះចំណាយពេល ដល់ទៅកន្លះម៉ោង ការពិតទៅអ្នកត្រូវការពេលតែ ៣០ វិនាទីប៉ុណ្ណោះដើម្បីកម្តៅម៉ាស៊ីន ហើយចាប់ផ្តើមចេញដំណើរដោយបើកយឹតៗ ។ តាមការធ្វើតេស្តមួយចំនួនបញ្ជាក់ថា ការបញ្ឆេះម៉ាស៊ីនឡានចោល ១៥ នាទីអាចនឹងស៊ីសាំងរហូតដល់​កន្លះលីត្រទៅតាមទំហំម៉ាស៊ីនតូច ឬធំ។

5. គោលការណ៍ ២/១

ក្នុងការប្រើប្រាស់ឡាន មិនថាហ្ការាសឡាន ឬក្រុមហ៊ុនឡានទេ តែងតែណែនាំឲ្យអ្នកយកឡានទៅត្រួតពិនិត្យឬថែទាំ ឲ្យបានទៀងទាត់យ៉ាងតិចណាស់ ១ឆ្នាំ២ ដង ឬ ៦ខែម្ដង តែបើមានលទ្ធភាពអ្នកគួរឆែកមើលរាល់ ៣ ខែម្តង ។

ឡានដែលមិនបានថែទាំត្រឹមត្រូវដូចជាដូរប្រេងម៉ាស៊ីន ថែមទឹកថ្នាំបញ្ចុះកម្តៅ (Coolant) ដូរក្បាលប៊ូហ្ស៊ី ឬថែទាំប្រ័ន្ធជើងក្រោម ក៏ជាមូលហេតុធ្វើឲ្យឡានស៊ីសាំងផងដែរ ។

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto