Toyota Camry ឆ្នាំ១៩៩២ ដល់១៩៩៦ បងប្អូនប្រហែលជាស្គាល់ហើយ Camry ហើមហ្នឹង វាធ្លាប់ជាតារារះ កាលពីជិត៣០ឆ្នាំមុន មកដល់ឥឡូវក៏មិនទាន់លេចទៅណាដែរ។ បច្ចុប្បន្នធ្លាក់លើដៃបងៗរត់តាក់ស៊ី រត់គ្មានមេត្តា ក្រចេះភ្នំពេញ វិលវិញមួយល្ងាចទេ។

ថ្ងៃនេះ Advan Auto និងលើកយកចំណុះខ្លះៗ ដើម្បីរំលឹកអនុស្សាវរីយ៍ ដែលពុកម៉ែបងប្អូន ធ្លាប់ឆ្លងកាត់ ក៏ដូចជា កំពុងតែប្រើប្រាស់ បើទោះបីជាវាមានអាយុកាលជិត ៣០ហើយក្ដី។

Camry ហើម មានជម្រើសម៉ាស៊ីន ៤ស៊ីឡាំង ២.២លីត្រ នឹង ៦ស៊ីឡាំង៣.០លីត្រ តែស្រុកខ្មែរភាគច្រើននាំចូល  តែប្រភេទម៉ាសុីន ៤សុីឡាំងប៉ុណ្ណោះ ដែលចំណុះ ២.២លីត្រ ផលិតកម្លាំង ១២៥សេះ កម្លាំរមួល ១៤៥ផោនហ្វីត រត់ដោយប្រអបលេខ ៤វគ្គអូតូ បង្វិលកង់ដោយ ប៉ុងមុខ (FWD) បើកលឿនបំផុតបាន ១៩០គីឡូម៉ែត្រ/ម៉ោង។

ចំពោះកម្រិតស៊ីសាំង ជាមធ្យមចន្លោះពី ៨លីត្រ ទៅ ១០លីត្រ ក្នុង ១០០គីឡូម៉ែត្រ ឬអាចច្រើនជាងនេះ​ ព្រោះអាយុកាលក៏ច្រើនណាស់ហើយដែរ។

ជើងក្រោម យ៉ានកង់ ១៥អីញ ប្រើហ្វ្រាំងឌីសគៀប នៅផ្នែកខាងមុខ នឹងខាងក្រោយជាប្រភេទហ្វ្រាំងស្គរ។ បំពាក់ប្រព័ន្ធឯករាជ្យ Independent Suspension ទាំងមុខក្រោយនៃកងទាំង៤ ធ្វើអោយឡានបតបែនផ្លូវកោងបានណឹងល្អ ទោះបើកបរក្នុងល្បឿនលឿនក៏ដោយ។

ខាងក្នុងទូលាយគួរសម កៅអីពីរជួរ អាចជិះបានគ្នា៦នាក់ និងសល់ឃ្លុបក្រោយអាចដាក់ឥវ៉ានបានគ្រែលដែរ។ តែសម្រាប់បងៗរត់តាក់សុីអាច ញ៉ាត់រហូតដល់៨នាក់ក៏មានដែរ។

វានៅតែប្រើបាន ទោះបីជាមានវ័យ៣០ឆ្នាំហើយក្ដីសម្រាប់បងប្អូនដែលមានតម្រូវការ នឹងថវិកាចន្លោះពីរ ៣០០០ដុល្លារ ទៅ៤០០០ដុល្លារ បើប៉ះឡាននៅស្អាត ម៉ាសុីនប្រអប់លេខអេម ជាន់ស្ទុះមិនអន់ប៉ុន្មានទេ។

អត្ថបទ៖ BunSak