ឡានប្រភេទ Toyota ស្រុកខ្មែរសម្បូរណាស់ ហើយម៉ូឌែល Highlander នេះក៏និយមខ្លាំងណាស់ដែរ

តែប្រហែលជាបងប្អូនខ្លះមិទាន់យល់ច្បាស់ពីប្រភេទនៃម៉ាសុីន និងរបៀបប្រើប្រាស់វាទៅតាមតម្រូវការនៅឡើយទេ។ 

ថ្ងៃនេះកម្មវិធីបទបង្ហាញរថយន្ដរបស់ Advan Auto និងនិយាយពី Highlander ដើម្បីជាព័ត៌មានខ្លះៗក្នុងការប្រើប្រាស់របស់

អោយត្រូវទៅតាមតម្រូវការ ជៀងវាងខាតច្រើន តោះ!

១. និយាយពីកម្លាំងម៉ាស៊ីនទៅមុន Highlander ម៉ាស៊ីន៤ស៊ីឡាំង មុខកាត់ស៊ីឡាំង ២.៤លីត្រ ផលិតកម្លាំងបាន ១៥៥សេះ កម្លាំងរមួល ១៦៣ ផោនហ្វីត រត់ដោយប្រអប់លេខ ៤ វគ្គអូតូ ល្បឿនអតិបរិមា ១៩៧ គីឡូម៉ែត្រ/ម៉ោង ជាន់ស្ទុះពី០ ទៅ ១០០គីឡូម៉ែត្រប្រើពេល ១០.វិនាទី រត់ដោយកង់ ២ (2WD) និងកង់ ៤ (4WD) វាមានទម្ង ន់១៥៨០គីឡូក្រាម។ 

កម្រិតស៊ីសាំងរបស់ Highlander ម៉ាស៊ីន៤ ស៊ីឡាំងប្រភេទប៉ុង ១ ជាមធ្យម ៨ ទៅ ១០ លីត្រក្នុ ង១០០គីឡូម៉ែត្រ ចំណែកប៉ុង ២ ចន្លោះពី ៩ ទៅ ១១ លីត្រ។

តម្លៃវាជាមធ្យមស្លាកលេខចន្លោះពី ១៥០០០ដុល្លារទៅ ១៧០០០ដុល្លារជាង​ ក្រដាស់ពន្ធចន្លោះពី ១៩០០០ ទៅ ២០០០០ដុល្លារ អាស្រយ័លើ ពណ៍ ស្លាក់លេខខ្ពស់ទាប និងភិនភាគជាក់ស្ដែង។

២. ចំពោះម៉ាស៊ីន ៦ស៊ីឡាំងវិញ មុខកាត់ ៣.០លីត្រ (២០០៣ចុះ) ផលិតកម្លាំងបាន ២២០សេះ ជាមួយកម្លាំងរមួល ២២២ ផោនហ្វីត រត់ដោយប្រអប់លេខ ៤ វគ្គអូតូដូចប្រភេទ ៤ ស៊ីឡាំងដែរ បើកលឿនបំផុតបាន ២២២ គីឡូម៉ែត្រ/ម៉ោង សន្ទុះពី ០ ទៅ ១០០ គីឡូម៉ែត្រប្រើពេលតែ ៨ វិនាទីប៉ុណ្ណោះ បង្វិលកង់ដោយជម្រើស កង់ពីរ (2WD) និងកង់ទាំង៤( 4WD) ដូចគ្នា វាមានទម្ងន់ ១៧៦០ គីឡូក្រាម។

កម្រិតស៊ីសាំងខ្ពស់គួរសម ជាមធ្យម ១០ ទៅ ១៣លីត្រ សម្រាប់ប៉ុង ១ និងប៉ុង ២ ខ្ទង់ ១១ ទៅ ១៤ លីត្រ ក្នុង១០០គីឡូម៉ែត្រ។

តម្លៃជាមធ្យមស្លាក១ទឹកស្រុកយើងខ្ទង់ ១៧០០០ ដុល្លារជាងទៅ ១៩០០០ ដុល្លារជាង ក្រដាសពន្ធខ្ទង់ ២១០០០ ទៅ ២២០០០ ដុល្លារ អាស្រ័យលើស្លាកលេខខ្ពស់ទាប់ ពណ៍ Option និងភិនភាគជាក់ស្ដែង។

មានឆ្ងល់អត់ហេតុអ្វីឡានតែមួយសោះចាំបាច់មានម៉ាស៊ីន ៤ ម៉ាស៊ីន៦ ស៊ីឡាំង ប៉ុង១ ប៉ុង ២ ធ្វើអ្វី? ចម្លើយ…. 

ដូចដែលបានដឹងហើយថា គ្រប់រថយន្ដទាំងអស់គឺដើម្បីបំពេញតម្រូវការ​​របស់អតិថិជន។

• បើបងប្អូនស្រលាញ់ឡានរាងខ្ពស់ សម្រាប់ប្រើលក្ខណៈគ្រួសារ ជិះធ្វើការក្នុងក្រុង ឬចុះខេត្តម្ដងម្កាល បើកបរធម្មតា មិនលេងល្បឿនរត់ផ្លូវលំបាកទេ Highlander ម៉ាស៊ីន៤ ស៊ីឡាំង ប៉ុង១ ជាជម្រើសល្អបំផុត។ ព្រោះម៉ាស៊ីនតូច ស៊ីសាំងតិច ពន្ធផ្លូវក៏ធូរ ពេលទិញមកក៏តម្លៃរាងទាបជាងម៉ាស៊ីន៦ ស៊ីឡាំង និយាយរួមគឺល្អសន្សំសំចៃ​​ សម្រាប់ការប្រើសប្រាស់ធម្មតា បើកធៀបនឹងម៉ាស៊ីន ៦។

• តែចំពោះអ្នកខេត្ត ឬឧស្សាហ៍លេងល្បឿនរត់ផ្លូវឆ្ងាយ អាចជ្រើសរើសម៉ាស៊ីន៦​ ស៊ីឡាំងប៉ុង១បានស៊ីសាំងបន្ដិចមែនតែមិនសូវតឹងទ្រូង ជាន់បានៗហើយធ្ងន់ល្អទៀត តែបើប្រើក្នុងក្រុងអាចពិបាកចិត្ដរឿងស៊ីសាំង។ ចំណែកប៉ុង២ ប្រើសម្រាប់បងប្អូនដែលបើកបរផ្លូវដែលពិបាកដូចជា ផ្លូវអិលឡើងភ្នំ ឡើងទួលចុះទឹកជ្រាំ ក្រឡុករោករាក Off-Road អី ទើបចំគោលដៅជាង តែវាមិនសូវពេញនិយមប៉ុន្មានទេ ។

សរុបមកឡានចាស់ឆ្នាំ ពេលទិញត្រូវពិនិត្យ និងរើសមើលអោយច្បាស់បន្ដិច​ ប្រយ័ត្នម៉ាស៊ីនស្ទើរ បាតក្រោមច្រេះ និងត្រូវប្រើ ប្រភេទម៉ាស៊ីន Option ទៅតាមតម្រូវការប្រើប្រាស់ប្រចាំថ្ងៃ ទើបទិញមិនខុស​ និងលក់វិញមិនសូវខាត់ច្រើន៕

អត្ថបទ ៖BunSak