ស្រុកខ្មែរសព្វថ្ងៃសម្បូរអាព្រូស (Prius) ជំនាន់ទី ២ ណាស់ មិនថានៅក្រុងឬជនបទទេ គេនិយមវាណាស់ពិសេសពេលសាំងឡើងថ្លៃហ្នឹងតែម្ដង។វាសុីសាំងតិចសន្សំសំចៃខ្ពស់ មិនចំណាយលើការថែទាំច្រើន តែពេលទិញប្រើក៏ត្រូវតែដឹងដែរ ព្រោះវាមានជម្រើសប្រភេទ Option ដល់ទៅ ៣ ខុសៗគ្នាឯណោះហើយតម្លៃក៏ខុសទៅតាមនឹងដែរ។

ថ្ងៃនេះ Advan Auto នឹងនិយាយអំពី Option របស់ Toyota Prius ០៤ ដល់០៩ នីមួយៗមានអ្វីខ្លះ ហើយតម្លៃវិញខុសគ្នាយ៉ាងមិចដែរ កុំភ្លេចអានឲ្យចប់ ។

១. Base Option  (អាចនិយាយបានថាជាជម្រើស ឬ Option ទាបធម្មតា)

សម្រាប់ Base Option

• មិនមែនSmart Key បើកទ្វារដោយប្រើតេឡេចុច 
• បញ្ជូលសោរដើម្បីបញ្ជាប៉ូតុងបញ្ឆេះ Power Start 
• មិនមានប៉ូតុងចង្កូត និង Bluetooth
• កញ្ចក់មើលក្រោយធម្មតា
• ពោងសុវត្ថិភាពចំនួន២
• Speaker បំពងសម្លេងធម្មតា ៦គ្រាប់
• អត់ពិលកាង
• ចង្កៀងធម្មតាប្រភេទ Halogen
• ចាក់ CD បាន៤ និងមានប៉ូតុងបញ្ជាអេក្រង់ចំនួន ៤
• កៅអីក្រណាត់ និងកាម្ញី​ ជាដើម។

២. Haft Option (គ្រាន់បើជាង​ Base បន្ដិច) វាបានបន្ថែមគ្រឿងបរិក្ខាមួយចំនួនរួមមាន ៖

• ចាក់ CD ៦ និង Speaker ធម្មតា ៨ គ្រាប់​ (ហើយខ្លះទៀតក៏មាន JBL)
• ពោងសុវត្ថិភាព៦ (ខ្លះក៏មាន ៨គ្រាប់)
• មាន Smart Key ៣ គ្រាប់ និងបញ្ជេះឡានដោយមិនចាំបាច់បញ្ជូលសោរ
• បើសិនជា ០៦ ដល់០៩ មាន Camera ក្រោយជាប់មកស្រាប់ 

៣.Full Option (អ្វីដែល Haft Option មាន Full ក៏មានដែរ តែបន្ថែមកាន់តែច្រើន)

• ចង្កៀង ឡេស័រ
• ពិលកាង
• ពោងសុវត្ថិភាពចំនួន ៨
• Speaker JBL ចំនួន៩គ្រាប់
• មានប៉ូតុងចង្គូត Bluetooth
• ប៉ូតុងបញ្ជាមុខងាលើអេក្រងចំនួន ៧ គ្រាប់ និងមានផែនទី
• កៅអីស្បែក
• កញ្ចក់មើលក្រោយ មានត្រីវិស័យ និងកាត់ចំណាំងផ្លាត
• និងមានមុខងារគណនាផ្សេងៗជាច្រើនទៀត នៅក្នុងអេក្រង់ថាច់ជាដើម។

ក្រៅពីហ្នឹងមិនមានអ្វីខុសគ្នាឡើយ ទាំងម៉ាស៊ីនប្រពន្ធ័ភ្លើង​ ជើងក្រោមនិងរូបរាងជាដើម។ តែចំពោះឆ្នាំ២០០៤ ដល់ ២០០៥ សូមបញ្ជាក់ថាមិនមានកាម៉េក្រោយ និងពួកស្បែកឡើយ។

Prius ជំនាន់ទី ២ នេះបំពាក់ម៉ាស៊ីន ៤ ស៊ីឡាំង ចំណុះ ១.៥ លីត្រ ផលិតកម្លាំងសរុបទាំងម៉ូទ័រ និងម៉ាស៊ីនសាំងបាន ១១០ សេះ ។ បើនិយាយពីកម្រិតស៊ីសាំងគឺថា The Best ក្នុង ១០០ គ.ម ស៊ីជាមធ្យម ៥ លីត្រ តែបើយើងចេះថ្នមវា វាស៊ីកាន់តែតិចខ្ទង់ ៤ លីត្រកន្លះប៉ុណ្ណោះ ។

ចំពោះតម្លៃនៅកម្ពុជា បើធៀបពី Base Option  ទៅ Full Option អាចខុសគ្នាខ្ទង់ ២០០០ដុល្លារជាងឯណោះ។ 

ជារួមជម្រើស ឬ Option ទាំងអស់នេះវាអាស្រ័យទៅតាមតម្រូវការ និងចំនួនទឹកលុយរបស់អ្នកប្រើប៉ុណ្ណោះ។ យើងអាចជ្រើសរើសតាមចិត្តបាន តែក៏ត្រូវដឹងស្គាល់ពីវាខ្លះដែរ កុំអោយទិញឡានព្រូស តម្លៃខ្ពស់ស្មើគេដែរ​ តែបាន Option ទាបទៅវិញ នេះហើយជាបញ្ហា។ ទិញមើលOption តម្លៃត្រូវតាមទីផ្សា ទើបពេលលក់វិញមិនសូវខាតច្រើន យ៉ាងហោចណាស់ក៏សល់ខ្លះគ្រាន់ហ្នឹងប៉ាវអេតមិន(Admin) ផឹកកាហ្វេដែរ។ អូ!បើគិតថាល្អកុំភ្លេចចុចមេដៃ និង Share ដើម្បីចែករំលែកបន្ដផង អរគុណ!!!

អត្ថបទ៖ BunSak