ស្ទើតែគ្រប់ប្រភេទឡានទាំងអស់ ក្រុមហ៊ុនផលិតតែងតែបែងចែក​ជាច្រើនជម្រើស ដើម្បីងាយស្រួលអោយអតិថិជន យកទៅប្រើប្រាស់តាម​ តម្រូវការ និងតម្លៃ។

មានអ្នកប្រើប្រាស់រថយន្ដមួយចំនួនធំពួកគាត់ប្រហែលជាមិនទាន់ដឹង ក៏ដូចជាស្គាល់ច្បាស់នៅឡើយទេ ពីបញ្ហាជម្រើសដូចជា Option ពណ៍ខាងក្រៅ និងខាងក្នុងឡានជាប្រភេទពណ៍អ្វីនោះទេ។

ថ្ងៃនេះ Advan Auto នឹងស្រាយចម្ងល់មួយនេះអោយប្រិយមិត្តបានដឹងខ្លះៗ ទាកទង់នឹងតម្លៃ នៃពណ៍ខាងក្នុងរថយន្ដថាតើវាមានភាពខុសគ្នាដូចម្ដេចខ្លះ។

ខាងក្នុងឡានជាទូទៅបែងចែកជាបីប្រភេទដូចជា ៖ ក្នុងពណ៍លឿង ក្នុងពណ៍ប្រផេះ (ប្រផេះបែកស និងប្រផេះបែកខ្មៅ ) និងក្នុងខ្មៅតែម្ដង។

• ក្នុងលឿង គេចង់បញ្ជាក់បង្ហាញ ទាំងកៅអីស្បែក តាបឡូ កៅស៊ូព័ទ្ធជុំវិញទ្វា ដំបូលក៏ដូចជាគ្រឿងជ័រ តុបតែងឡានមានភាពស្រស់បែបពណ៍លឿង។ តម្លៃវិញពេលទិញរាងថ្លៃជាងគេបន្ដិច ពេលលក់ចេញវិញលឿន ហើយក៏មិនសូវជាខាតច្រើនដែរ។

• ក្នុងប្រផេះ បញ្ជាក់ពីកៅអី តាបឡូ កៅស៊ូព័ទ្ធជុំវិញទ្វា ដំបូលក៏ដូចជាគ្រឿងជ័រ តុបតែងឡានមានសភាពបែបពណ៍ប្រផេះ។ តម្លៃទិញរាងទាបជាងពណ៍លឿង ហើយលក់ចេញវិញ ក៏តម្លៃទាបតាមហ្នឹងដែរ។ ចំពោះពណ៌ប្រផេះនេះអាចមានពណ៌ បន្ថែមទៀតដូចជា ប្រផេះបែកពណ៌សរ និងប្រផេះបែកជាពណ៌ខ្មៅ ក្នុងនោះតម្លៃប្រផេះបែកស វាគ្រាន់បើជាងគេ។

• ក្នុងខ្មៅ គ្រឿងតុបតែងស្ទើរតែទាំងអស់ គឺវាមានសភាពបែបពណ៌ខ្មៅ ឬខ្មៅព្រឿងៗតែម្ដង

ក្នុងខ្មៅ គ្រឿងតុបតែងស្ទើរតែទាំងអស់ គឺវាមានសភាពបែបពណ៌ខ្មៅ ឬខ្មៅព្រឿងៗតែម្ដងតម្លៃរាងក្រោមគេបន្ដិចហើយ ក្នុងចំណោមពណ៌ទាំងបីប្រភេទនេះ។

បើតាមបទពិសោធន៍ពីអ្នកទិញ-លក់ឡាន បានអោយដឹងថា ឡានតម្លៃក្រោម ២៥០០០ដុល្លារពណ៌ខាងក្នុងខុសគ្នាខ្ទង់ ៣០០ ទៅ ៨០០ ដុល្លារជាង។

បើឡានតម្លៃចន្លោះពី ៣០០០០ ទៅ ៤០០០០ ដុល្លារ ពណ៌ខាងក្នុងខុសតម្លៃចន្លោះពី ៩០០ ទៅ ១៥០០ ដុល្លារជាងឯណោះ។

បើអ្នកទិញមិនដឹងសោះក៏ពិបាកដែរ ជួនកាលអាចទិញខុសតម្លែ។ ឧទាហរណ៍ គាត់ទិញ Lexus RX330 ខាងក្នុងពណ៍ខ្មៅគេទិញតែ ៣០០០០ ដុល្លារ តែគាត់ទិញតម្លៃ ៣១៧០០ ដុល្លារ គឺទិញស្មើនឹងតម្លៃពណ៌លឿង

ទៅហើយ ធ្វើអោយគាត់ខាត ១៧០០ដុល្លារភ្លាមៗទាំងមិនទាន់លក់ចេញវិញផង ចឹងពេលលក់វិញអ្នកទិញ នឹងជាន់តម្លៃ គេទិញក្នុងតម្លៃនៃពណ៍ខ្មៅវិញតែប៉ុណ្ណោះ ធ្វើអោយគាត់ពិបាកលក់អាចខាតពីរជាន់ឯណោះ ។ 

គួរបញ្ជាក់ដែរថា អត្ថបទនេះសុំនិយាយតែឡានដែលពេញនិយមប្រើប្រាស់នៅស្រុកខ្មែរដែលភាគច្រើនជាឡាន ជប៉ុនប្រភេទ Toyota និង Lexus មួយទឹកតម្លៃចាប់ពី ៤០០០០ ដុល្លារចុះប៉ុណ្ណោះ។ បើស៊េរីខ្ពស់ៗអាចស្មុកស្មាញបន្ដិច បើឡានអ៊ឺរ៉ុបវិញខាងក្នុងមានពណ៍ច្រើនប្រភេទតម្លៃក៏ទៅតាមហ្នឹងដែរ។

សរុបមកពណ៌ទាំងអស់នេះ បញ្ជាក់ពីសោភ័ណភាពខាងក្នុង ចំណង់ចំណូលចិត្ត នឹងទៅតាមលំដាប់ថវិការរបស់អ្នក ប្រើប៉ុណ្ណោះ។ មិនពាក់ពន្ធ័នឹងគុណភាពរបស់ឡានឡើយ បើអ្នកគិតថា ក្នុងពណ៍លឿងមិនសំខាន់យកពណ៍ខ្មៅក៏បានអោយតែជិះស្រួល អូខេ! មិនបញ្ហាឡើយ សំខាន់ត្រូវដឹងតម្លៃនៃពណ៌ខាងក្នុង ទិញអោយត្រូវហាងឆេងទៅ ក្រែងសល់លុយខ្លះ គ្រាន់នឹងជប់លៀងឡានថ្មី៕

អត្ថបទ៖ BunSak