ជិះ Toyota Prius រាល់ថ្ងៃ មានយល់ពីបញ្ហារបស់អាគុយ Hybrid អត់?

បញ្ហាអាគុយ Hybrid របស់អាព្រូសជាក្ដីបារម្ភមួយរបស់ម្ចាស់គ្រប់រូប ថ្ងៃនេះ Advan Auto មានចំណេះដឹងមួយចំនួនចង់ចែករំលែកទាក់ទងទៅនឹងដំណើរ និងបញ្ហាមួយចំនួនរបស់វា ដល់ប្រិយមិត្តអ្នកអាន

ជាទូទៅ នៅក្នុងឡានអាព្រូសមានអាគុយ ២ គឺអាគុយ 12V ប្រើសម្រាប់បញ្ជេះម៉ាស៊ីន និងផ្តល់ថាមពលផ្គត់ផ្គង់អំពូលភ្លើងតូចៗក្នុងឡាន និងមានអាគុយមួយប្រភេទទៀតទំហំ 201.6V ដែលគេហៅថា អាគុយ Hybrid ។

អាគុយ Hybrid របស់ Toyota Prius ត្រូវបានផលិតឡើងដោយក្រុមហ៊ុន Panasonic ជាប្រភេទ អាគុយ Nickel-Metal មានទាំងអស់ចំនួន ២៨ ផ្លាក ហើយនៅក្នុងអាគុយមួយផ្លាកមានអាគុយឬថ្មតូចៗទំហំ 1.2 V ចំនួន ៦ គ្រាប់ ។

តើអាគុយ Toyota Prius អាចរស់បានប៉ុន្មានឆ្នាំ?

វាអាចរស់បានក្នុងរយៈពេល 8-10 ឆ្នាំ ឬអាចរត់បានចម្ងាយប្រមាណ 100 000 mile - 150 000 mile ឬ 160 000 Km ទៅ 240 000 km ។ ប៉ុន្តែសម្រាប់សេរីចាស់ឆ្នាំ ២០១០ ចុះក្រោម យើងមិនអាចកំណត់បានថា វារស់បានប៉ុន្មានឆ្នាំទេ។

តើមានរោគសញ្ញាអ្វីខ្លះបញ្ជាក់ថាអាគុយ Hybrid ខូច?

1. ឡានស៊ីសាំងជាងមុន

បើអ្នកកត់សម្គាល់ថាឡានស៊ីសាំងខុសពីធម្មតា អាគុយ Hybrid អាចកំពុងមានបញ្ហា តែបញ្ហាស៊ីសាំងនេះក៏អាចបណ្តាលមកពីកំហូចផ្នែកផ្សេងៗទៀតផងដែរ ។

2. អាគុយអត់កាន់ភ្លើង

ប្រសិនបើអាគុយសាកពេញហើយ តែស្ទះផ្លូវមិនបាន ១០ នាទីផង ក៏អស់អាគុយបាត់ហើយ អញ្ចឹងបើអាគុយមិនខូចទេ ក៏អាចថាអាគុយធ្វើការខុសបច្ចេកទេសដែរ ។

3. ឆ្លងប្រព័ន្ធភ្លើង

អាគុយ Hybrid មានកម្លាំងខ្លាំងដល់ទៅ 201.6V ដូចនេះវាអាចជះឥទ្ធិលពលដល់ប្រព័ន្ធភ្លើង ដូចជាឆ្លងខ្សែភ្លើង, Error ប្រព័ន្ធបញ្ជាអេឡិចត្រូនិកមួយចំនួន ។

4. ម៉ូទ័រអត់ធ្វើការ

បើម៉ាស៊ីនដំណើរការជាប់ តែម៉ូទ័រអគ្គីសនីមិនកម្រើកសូម្បីបន្តិច អញ្ចឹងមានន័យថាអាគុយ Hybrid របស់អ្នកបានចែកឋានហើយ ។

5. ម៉ូទ័រឆេះញ៉ាក់ៗ

ម៉ូទ័រញ័រដូចគោគ្រុនចាញ់ ដោយសារតែអាគុយខ្សោយឬជិតខូច ហើយផ្តល់ថាមពលឲ្យម៉ូទ័រមិន គ្រប់គ្រាន់ ឬអាចនិយាយបានថាអគ្គីសនីរត់មិនស្មើគ្នា។

.............................................................................

ដើម្បីទទួលបានព័ត៌មាន ចំណេះដឹង និងវីដេអូថ្មីសូម ៖

ជិះ Toyota Prius រាល់ថ្ងៃ មានយល់ពីបញ្ហារបស់អាគុយ Hybrid អត់?

អត្ថបទថ្មី

អត្ថបទទាក់ទង

វីដេអូ