ទម្លាប់អាក្រក់ក្នុងការបើកបរទាំងនេះអាចបំផ្លាញឡានអ្នក

តើអ្នកមានដឹងទេថា ទម្លាប់បើកឡានរាល់ថ្ងៃរបស់អ្នកបានបំផ្លាញឡានអ្នកដោយមិនដឹងខ្លួន? ហេតុអ្វីឡានខ្លះប្រើបានរាប់ឆ្នាំ ហើយខ្លះទៀតទើបតែទិញមកក៏ចាប់ផ្ដើមខូចនេះខូចនោះ?

ចម្លើយគឺទម្លាប់បើកបររបស់ម្ចាស់ឡានដែលមានដូចជា៖

១- បើកឡានបង្ខំ

ការបញ្ឆេះឡានភ្លាម ហើយជាន់ហ្គែរភ្លៀម នឹងធ្វើឲ្យម៉ាស៊ីនឆាប់សឹករិចរិល។ សូមបញ្ឆេះម៉ាស៊ីនទុកចោល ២ ទៅ ៣នាទី ដើម្បីកម្ដៅម៉ាស៊ីននឹងឲ្យប្រេងម៉ាស៊ីនរត់ទៅផ្នែកផ្សេងៗរួចចាំជាន់ហ្គែរ។ ការជាន់ហ្វ្រាំងបង្ខំក៏ជាកត្ដាដែលគួរជៀសវាងដែរ វានឹងរងសម្ពាធខ្លាំងពីការបន្ថយល្បឿនខុសប្រក្រតី ឯហ្រ្វាំង កង់ឡាន ប្រព័ន្ធបូមរ៊ឺស័រ និងម៉ែត្រចង្កូតក៏ឆាប់ខូចដូចគ្នា។

២- មិនប្រើប្រាស់ Parking Brake

Parking Brake មានហ្រ្វាំងដៃ ហ្រ្វាំងប្រើជើងជាន់ និងប៊ូតុងអេឡិចត្រូនិច។ ម្ចាស់ឡានត្រូវយកចិត្តទុកដាក់ប្រើប្រាស់វាឲ្យបានត្រឹមត្រូវ ជាពិសេសនៅពេលចតលើផ្លូវទួល ឬចំណោត បើដាក់លេខ P ហើយមិនប្រើ Parking Brake នោះប្រអប់លេខនឹងរងសម្ពាធធ្ងន់ដែលត្រូវទប់ទម្ងន់ឡាន ១-២ តោនធ្វើឲ្យប្រអប់លេខឡានឆាប់ខូច។

៣- ប្រញាប់ប្ដូរលេខ

ការធ្វើបែបនេះធ្វើឲ្យប្រអប់លេខឆាប់ខូចដោយសារតែរងការកកិតខ្លាំង ហើយប្រអប់លេខឡាននឹងពិបាកបញ្ចូលលេខ ដូច្នេះពេលចង់ប្ដូរលេខថយក្រោយផ្សេងគួរជាន់ហ្រ្វាំងឲ្យឡានឈប់សិន ចាំប្ដូរលេខបើមិនចង់អស់លុយជួសជុលប្រអប់លេខថ្មី។

៤- ជាន់ហ្រ្វាំងពេលចុះចំណោទ

ត្រូវប្រើលេខតូចសម្រាប់ឡានដែលប្រើលេខដៃ ឬប្រើលេខអក្សរ L សម្រាប់ឡានដែលប្រើប្រអប់លេខអូតូ ដើម្បីឲ្យម៉ាស៊ីន និងប្រអប់លេខជួយទប់ឡាន។ គួរជាន់ហ្វ្រាំងតែពេលចាំបាច់ ព្រោះការជាន់ហ្រាំ្វងយូរអាចធ្វើឲ្យស្បែកហ្វ្រាំងឆាប់សឹក ហើយការជាន់ហ្វ្រាំងប្រលែងច្រើនដង នាំឲ្យស្បែកហ្រ្វាំងនឹងតាំបួរឆាប់ឡើងកម្ដៅ។

៥- បើកឡានលឿនលើផ្លូវដែលមានទួលបន្ថយល្បឿន

វានឹងផលប៉ះពាល់ដល់ផ្នែកខាងក្នុងនៃឡាន ដូចជា ចង្កូត ប្រព័ន្ធបូម ម៉ែត្រចង្កូត រឺស័រ ជាពិសេសអាចបង្កគ្រោះថ្នាក់ដល់អ្នកដទៃ។

ទស្សនាវីដេអូ៖

……………………………………………………………………….

ដើម្បីទទួលបានព័ត៌មាន ចំណេះដឹង និងវីដេអូថ្មីសូម ៖

ទម្លាប់អាក្រក់ក្នុងការបើកបរទាំងនេះអាចបំផ្លាញឡានអ្នក

អត្ថបទថ្មី

អត្ថបទទាក់ទង

វីដេអូ