ថ្មីៗនេះ Ford ទើបប្រកាសចុះថ្លៃ រថយន្ដអគ្គិសនី SUV ល្បីរបស់ខ្លួន Mustang Mach E ជាលើកទី ២ ជាមួយនឹងការអភិវឌ្ឍ សមត្ថភាព និងមុខងារការបើកបរមួយចំនួនកាន់តែល្អជាងមុន ដើម្បីប្រជែងទីផ្សារនឹង Tesla។
តាមការឲ្យដឹង Fox News ថា Mach E នេះ នឹងត្រូវបញ្ចុះតម្លៃខ្ទង់ពី ៣០០០ ទៅ ៤០០០ ដុល្លារ ក្នុងមួយគ្រឿង ឬ ស្មើនឹង ៦% ពីតម្លៃដើម ធ្វើឲ្យនៅសល់ចន្លោះពី ៤៣០០០ ទៅ ៦០០០០ ក្នុងមួយគ្រឿង ទៅតាម Trim level របស់វានីមួយៗ ដូចជា Mustang Mach E Standard ប៉ុងមួយ (rear wheel drive) តម្លៃខ្ទង់ ៤២ ៩៩៥ ដុល្លារ, ប៉ុងពីរ (All wheel drive) ថ្លៃ ៤៥ ៩៩៥ ដុល្លារ ដែលប្រហាក់ប្រហែលនឹង Tesla មានតម្លៃចាប់ផ្ដើមពី ៤៤០០០ ដុល្លារ ឡើងទៅសម្រាប់ Model 3 តាមការចុះផ្សាយពី Motor Trend។ ចំណែកឯ trim Mach E Premium វិញប៉ុងមួយនៅសល់ ៤៦ ៩៩៥ ដុល្លារ និង ប៉ុងពីរសល់ ៤៩ ៩៩៥ ដុល្លារ។ trim ផ្សេងទៀតដូចជា Mach E California Route 1 តម្លៃ ៥៨ ៧៩៥ ដុល្លារ និង Mach E GT ថ្លៃ ៦១ ៧៩៥ ដុល្លារ។
សម្រាប់សមត្ថភាពរបស់វិញ Mach E ត្រូវបានក្រុមហ៊ុនកែសម្រួលឲ្យប្រសើរជាងមុន ដូចជា ផ្លាស់ប្ដូរពីប្រើថ្ម nickel cobalt manganese ជាផ្មប្រភេទ Lithuim iron phosphates ដែលមានប្រសិទ្ធភាពល្អ សាកចូលថ្មបានលឿន មិនងាយឆាបឆេះ ជាពិសេស គឺងាយស្រួលផលិត ក្នុងនោះវាបានបន្ថែមសមត្ថភាពការរត់ឲ្យរថយន្ដទៀតផងដោយ ឡើងថាមពលពី ២៦៦ ទៅ ៣១១ សេះ ហើយ Mach E ប៉ុងពីរ សាកម្ដងរត់បាន ៤០២ គម និង ប៉ុងមួយបាន ៣៦៣ គម។ លើសពីនេះ វាក៏មានបន្ថែមប្រព័ន្ធ Ford’s BlueCruise ថ្មីដែលមានមុខងារដូចជា hands-free highway adaptive cruise control, Lane Repositioning, និង Active Driving Assistance ផ្សេងៗទៀតផងដែរ។
បើតាម CleanTechnica បានឲ្យដឹងថា ក្រុមហ៊ុន Ford គ្រោងពង្រីកផលិតកម្មរថយន្ដ Mach E នេះ ទ្វេឡើងទៅកាន់ ទីផ្សារបណ្ដាប្រទេសជាង ៣៧ នឹងប្រទេសផ្សេងៗទៀតដែលមិនទាន់មានផងដែរ។
ប្រភព៖ Fox News
អត្ថបទ៖ Andra
ធ្លាប់តែឃើញ Rav4 ស៊េរីឆ្នាំ2006 ពេលនេះ Toyota ត្រៀមបញ្ចេញស៊េរីឆ្នាំ2026 ជំនាន់ថ្មីរូបរាងថ្មី ជាមួយជម្រើសម៉ាស៊ីន Hybrid នឹង Plug-In
នេះជាមូលហេតុ RX400h បច្ចុប្បន្នតម្លៃទីផ្សារមិនសូវល្អ នឹងសម្បូរដូច RX330 ទោះបី RX330 ស៊ីសាំងច្រើនជាងក៏ដោយ
ដឹងអត់! Highlander ម៉ាស៊ីន៤ នឹង ៦ស៊ីឡាំង កម្លាំងកម្រិតស៊ីសាំងខុសគ្នាប៉ុណ្ណា? ខណៈពន្ធផ្លូវបង់ ២៥ម៉ឺន នឹង ៦០ម៉ឺនរៀលក្នុង១ឆ្នាំ
នោះ! ទីបំផុត Nissan Juke 2025 បានចេញលក់ហើយជាមួយរូបរាងថ្មី ទំនើបជាងមុន នឹងប្រើម៉ាស៊ីនត្រឹម 3-Cylinder ប៉ុណ្ណោះ
Mazda BT-50 2025 ចេញរូបរាងថ្មីមានទាំងម៉ាស៊ីនតូច 1.9L នឹងម៉ាស៊ីនធំ 3.0L បន្ថែមភាពទំនើបប្លែកមួយចំនួនទៀត
ក្រុមហ៊ុន MG Cambodia បានបើកសម្ពោធជាផ្លូវការអគារតាំងបង្ហាញរថយន្តសាខាទី4 គឺ MG ខេត្តបាត់ដំបង
Nissan បញ្ចេញម៉ូឌែល Rogue 2025 ប្រភេទ Plug-in Hybrid ដើម្បីត្រៀមប្រជែងជាមួយ Hyundai, Kia នឹង Toyota នៅឆ្នាំក្រោយលើទឹកដីអាមេរិក
Subaru Crosstrek 2025 មានពីរជម្រើសម៉ាស៊ីន នឹងភ្ជាប់ជាមួយ Trim/Option ចំនួន 5 ខណៈតម្លៃវិញចាប់ពី 2ម៉ឺនដុល្លារជាងឡើងទៅ