Kia Morning ២០១២ ចាត់ជាជំនាន់ទី២ ដែលមានការផ្លាស់ប្ដូររូបរាងថ្មីទាំងស្រុង មើលទៅមិនសាមញ្ញពេកឡើយ ខណៈបច្ចុប្បន្នកំពុងត្រូវប៉ានគ្រាន់បើ ព្រោះសម្បូរអ្នកប្រើគួរសម។

ចំពោះតម្លៃវិញ Morning ជំនាន់ទី២ ស៊េរីឆ្នាំ ២០១២ ដល់ ២០១៦ ទីផ្សារបច្ចុប្បន្នចន្លោះពី ៧,០០០ដុល្លារ ដល់ ១០,០០០ដុល្លារ អាស្រ័យលើ ឆ្នាំផលិត ពណ៌ Option ប្រភេទស្លាកលេខ ឬក្រដាសពន្ធ នឹងភិនភាគឡានជាក់ស្ដែង។

Morning ប្រើម៉ាស៊ីន ៣ស៊ីឡាំង ១.០ ផលិតកម្លាំង៦៧ សេះ កម្លាំងរមួល៨៨ ផោនហ្វីត រត់ដោយប្រអប់លេខ៤វគ្គអូតូ បង្វិកកង់ដោយប៉ុងមុខ (FWD)។ បំពាក់យ៉ាន់កង់១៥អ៊ីញ ជំនួយដោយប្រព័ន្ធ ABS និងអាចរត់លឿនបំផុតបាន ១៦០គីឡូម៉ែត្រ/ម៉ោង ជាមួយកម្រិតស៊ីសាំងខ្ទង់ ៥លីត្រជាង ទៅ​ក្បែរ ៧លីត្រ ក្នុង១០០គីឡូម៉ែត្រ។

ចូលមកខាងក្នុង រាងទូលាយគួរសមដែរ បំពាក់ដោយកៅអីស្បែក ២ជួរ ជិះគ្នា ៥នាក់ និងសល់ឃ្លុបក្រោយខ្លីល្មមដាក់ឥវ៉ាន់បានគួរសម។

បើជាប្រភេទ Full Option វិញរាងទំនើបគ្រាន់បើ ដោយភ្ជាប់មកជាមួយនិង អេក្រង់ LCD ៨អីញ ពោងសុវត្ថិភាព ៧គ្រាប់ កុងទ័រឌីជីថល ដំបូលបើក ប្រើប៉ូតុង Power Start/Stop កាម៉េរាក្រោយ មាន Sensor ៤គ្រាប់ ជំនួយពេលចូលចត ចង្កៀងគុជ អមជាមួយប៉ាណាស្ពរ័ជាប់ជាមួយពិលកាង និងឈ្នាន់ហ្គែរវែង ជាដើម។

សម្រាប់បងប្អូនវិញយល់យ៉ាងណាដែរចំពោះ Kia Morning ជំនាន់ទី២ ឆ្នាំ២០១២ ដល់ ២០១៦ មួយនេះ? បងប្អូនដែលមានមតិយោបល់ បទពិសោធន៌ នឹងព័ត៍មានបន្ថែម អាចចែករំលែកបន្ថែមបាន៕

ដោយ៖ Bunsak

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!