កាលពីម្សិលមិញ Mitsubishi បានតាំងបង្ហាញ Concept D:X នៅឯ Japan Mobility Show ក្នុងប្រភេទជា MPV ខ្នាតតូចដែលគេហៅថា 2+2+2 ឬ ៦កៅអី ជាមួយរូបរាងថ្មី និងទំនើបប្លែក។

រូបរាងស្រដៀងទៅនឹងពពួកឡានអគ្គិសនី តែ D:X Concept នេះត្រូវបាន Mitsubishi បង្ហើបថាជាប្រភេទរថយន្ដ Plug-in Hybrid ជំនាន់ថ្មីដែលអាចបើកបរបានស្ទើរតែគ្រប់ស្ថានភាពផ្លូវជាមួយសមត្ថភាព Off-Road ប៉ុង២ 4WD ហើយក៏មានភ្ជាប់ Drive Mode មួយចំនួនបន្ថែមទៀតផងដែរ។

អ្វីដែលពិសេសនោះ D:X ជារថយន្ដដែលភ្ជាប់នៅជាប្រព័ន្ធ VR និង AI តែចំពោះសមត្ថភាព និងកម្លាំងបែបណានោះ នៅមិនទាន់ដឹងច្បាស់នៅឡើយទេ។

ចំពោះការឌីស្សាញនៅរក្សារទម្រង់ជា Dynamic Shield ជាមួយចង្កៀងមុខ និងស្ដុបក្រោយ Full LED រាងជាអក្សរ T ឬ T-Shape ។ រូបរាងរចនាឡើងបែបប្រណិត និងភាពរឹងមាំ ដោយផ្នែកខាងក្រៅទាំងមូលស្រោបដោយពណ៌ទង់ដែង រំលេចកញ្ចក់រលោងពណ៌ដ៏ប្រណិត អមដោយភ្លើង LED លើដំបូល ធ្វើឲ្យ D:X Concept មួយនេះកាន់តែប្លែកបែបឡានអនាគត។

ផ្ទៃខាងក្នុងទូលាយគួរសម បំពាក់កៅអី ៣ជួរ ស្មើរនឹង ៦កៅអី ចំណែកជួរមុខអាចលៃតម្រូវ បង្វិលបាន ១ជុំឯណោះ។ ក្រៅពីនឹង កញ្ចក់មើលក្រោយប្រភេទ ឌីជីថល មានប្រព័ន្ធ VR នៅកញ្ចក់ផ្ទៃខាងមុខសម្រាប់មើលទិសដៅ ឬការបើកបររបស់កង់មុខ ដៃចង្កូតរាងសំប៉ែត និងជ្រុងៗ អេក្រង់កុងទ័រឌីជីថល និងបរកណ៍ជំនួយមួយចំនួនទៀតប្រតិបត្តិការណ៍ដោយប្រព័ន្ធ AI ដ៏ពិសេសផងដែរ។

ក្រៅពីនឹង ក៏ភ្ជាប់ជាមួយ Speaker Headrest ប្រភេទ Yamaha ដំបូល ឌីជីថល ទ្វាបើក Slide Doors នឹងបន្ទះការពារមុខក្រោយឆ្វេងស្ដាំមួយជុំរថយន្ដជាដើម៕

ដោយ៖ Bunsak

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!